＊那一天我和你眉目傳情＊
我記得一個月黑風高繁忙夜，係不停Serve客同睇reception之間。有一個眼神凌厲，精神錯亂既中年男人，隔住餐廳既木門向我射出強烈信號，樹係佢果2條豬圓肉潤既手指S。
我有點迷茫，阿叔對門唔係好重姐？做乜9唔入黎呀？
Anyway，我地FullBooking。所以我又射番個信號俾佢。
搖一搖頭，希望佢可以爛斯GUT路。
點知⋯⋯佢竟然伸出佢強而肥美既手臂，將佢2條豬圓肉潤既手指S緊貼係木門破璃。（仆街！有指紋我又要去抺番！）舉完都未得，佢仲要fing fing 下！想話你知：我2位呀！真係無咩？
可惜，我真係無兩位呀。所以我又再一次搖搖頭，加上一個極度失落既表情。希望話俾阿叔你知，我真係好撚想你入黎嫁！不過真係無位囉，你扯啦好嗎？
之後⋯⋯佢竟然行左入左黎！神跡呀！係神跡呀！
原來阿叔無肌肉委縮！佢係可以自己開門同行到路嫁！
佢同我講：(錯鍔樣) 兩位喎！！？
OMG !
阿叔你識開門又識講野！我初初以為你係殘障人士，又啞又無力開門同唔係好行到路TIM！無位俾你我都唔係幾好意思呀！而家好囉~ 原來你只係條L樣唔L想郁，又懶又大支野。
我：先生，我咪俾左signal你囉。而家無位喎。
佢：我仲見到有位喎！點解唔俾我坐？
又係一個循環。
之後又問D台點解唔坐得！
都係吉左乜乜77, 7799888，總之佢就唔信你啦！
好心酸囉！
咁當初點解你要同我眉目傳情呢！？
你都唔信我同你之間既connection....
你一開始入黎問咪得囉！搞咁多小動作做咩！浪費我青春！心機！我做個失落樣你知唔知死幾多腦細胞呀！我仲有隻雞要出嫁啦！凍嫁啦仆街！
仲有呀！唔係個個人都會知你舉起兩隻手指做乜9嫁！可能你開心呢？想舉下V字手勢，支持下D侍應呢！得我明白你炸～～～！了解你條粉皮係要兩位嫁炸！得我明白你係我Say 左No之後，你再舉多次係想再問清楚係咪真係無2位嫁炸！！！人地會覺得你係低B弱智仔係度YEAH YEAH YEAH 嫁炸！你點可以唔信我嫁？？？我睇錯你！我地玩完嫁啦！扯呀！同我扯呀！！！！！
＊＊＊＊＊＊＊＊
自LEE次感情重挫之後，我對隔門舉手指或者做口型既人視而不見。我只係一個平凡人，我唔識讀唇，我只係睇過讀心神探幾集，我唔係林保怡呀！有咩野！入黎先講！唔想行入黎，就唔好講！扯吧啦。
Search